إحنا جبابرة

وبما إني حاليا عندي هبل بالسما
وبامشي باصة لفوق
واحتمال خلينا نقول اكيد الناس قالوا عليا اتجننت
بس مش مشكلة أنا بعشق السما
حاجة كدة عبقرية بجد
مش أي كلام يعني
كنت ماشية مع بنت عمي اللي في تانية ابتدائي
وبعدين أنا طبعا باصة لفوق
فقلتلها بصي ياروان السما حلوة إزاي
روان:آه بس الحمد لله انها مش زي الارض
أنا: إزاي يعني
روان:يعني العيال كانوا هيوسخوها ويرمو فيها حاجات (وكنا معديين جنب حتة فيها زبالة كده قامت مشاورة وقايلة:) زي كده بالظبط
أنا: سكتت وقعدت أفكر وعجبني أوي رد روان
المهم
إكتشفت أننا جبابرة لم نترك شيئا إلا وأفسدناه
لم نر شيئا جميلا إلا وجعلناه قبيحا
ولم تعرف بذلك روان لصغر سنها فنحن ولله الحمد على كل شئ
لوثنا السماء
وأصبح لدينا سحابة سوداء
لم نكتف بالأرض
بل وصلنا للسماء
وبكل غباء
أفسدنا كل شيء حولنا
من الألف إلى الياء
سلام ولنا ان شاء الله لقاء